News Update :
Showing posts with label Thlahrang Chanchin. Show all posts
Showing posts with label Thlahrang Chanchin. Show all posts

Khup Lang

Penulis : Unknown on Saturday, 30 August 2014 | 22:27

Saturday, 30 August 2014

Ka thianpa tawn ania, Dawt asawi chu ka ringlo a, kei pawhin ka hmu ve ani; ka la naupang bawk nen zan tam tak ka mut theihloh phah ani. Chhiar a nawm zawk nan keima tawn angin ka ziak mai anga, chhiar a harsa anih chuan kan inhrethiam dawn nia.......

          A kum tak ka hre talo, Zankhat chu thianho kan in hmu khawm a, Kan thianpa pakhat ( ala dam a, a hming thup mai ila,) chuan kan huan a zawngtah khu lo ang u ati a, ka thianpa pakhat nen chuan kan ‘aw’ mai a, Midang chuan an duh ve lo a, Keini aduh Pathum chu kan inrawt phur tawh khawpmai, Kan phur lutuk vang nge ni zan kan hawng turte chu kan chesual reng mai a, tumah erawh inti na kan awm lemlo bawka, Fiamthu ah kan la mai a, . . Zan kan han hawng chu alo tlai tawh viau mai a, Ka ni te in a pen ( luh) kual tum ka ni a, Lut talo chuan ka tlang chho par par a, In ka thleng chu ka chhungte an lo la meng vek a, Kapa hnenah chuan ka dil a, Kapa chuan a rem tilo khawpmai, Mahse ka dil luih tlat avang chuan a phal ta a, “Mahse zuk fimkhur ula, Zawngtah lawh hi chetsual a awl ania” tiin min chah a, Ka phur tawh em avang chuan ka ngaihtuah zui lemlo.

          A tuk khua alo var chuan ka phur tawh ngei mai, Chaw ei khamah kan chhuak ta a, a hla vaklo a, KM hnih (2) vel ania, Kan kal char char a, Dar 10 leh 11 inkar velah kan thleng a, Meizuk pahin Kan chawl muang a, Kan hahdam ta, tih chuan Ka thianpa, chu a lawn ta a, a hnuaiah kan lo chang a, a kung asang em em a, a Kakpui a thlen chuan mau hmangin a hawlh thla zung zung mai a, anuam ngei mai, Thli a thaw lo a, a reh ruih mai ani. Mahse thilmak a thlengta, a lawn tirh pawh khan kan in be char char tho a, tunah  kan han au a, a hre thei ta tlatlo, a kakpui atang chuan a lawn chho zel a, Keinin a tlak kan hlau si, A hming pum meuhin vawi tam tak kan au a, awrawl tawp tawpin kan au a, a hre duhlo der aniang tiin lawn tawhlo a, rawn chhuk tawh tura kan tih pawh chuan a lawn sang tual tual mai si,

          Tih vak ngaihna kan hrelo, kan pahnih chuan kan in en a, a mak hle mai kan ti a, (ka bula awm hi a upa ber ania, zawngtah kunga lawn tura kan tih ber chu ka bula mi hi ania, Mahse kan thianpa hian a chuh tlat avanga lawn kha ania. Ka Bula thu (ka U ti mai ila,) chuan “tawh sual kan tawk dawn ani” a ti ta a, beidawng tak chuan ka ding ringawt tawh, auh in awmzia anei tawhlo, kan au peih tawh lo, Sang takah chuan a dinga, an hawi vang vang ( hetia kan koh a hriat theih loh pawh hian Zawntah chu alo reng tho ani, hetia a awm hi dar kar dawn ani tawh, ) Ka u chuan beidawng ‘aw’ tak hian engtin nge kan tih angle ati chuai raih mai, a chesual ang tih ka van hlau em ati a, tahkhan lo awm la, ka han lawn chilh ange tih leh kal mai a tum a, engtik laiin nge ka chet ka hre ta lo, “Ngawiteh, atawpnan vawikhat au leh ila, ala hriat loh chuan kan lawn mai dawn nia ka ti ta vat a,” Ka u pawh chuan Ni e tiin kan han au leh ta a, vanneih thlak tak maiin a hre ta hlauh mai, ka va lawm em!! Ka u chuan lo chhuk tawh rawh ati a, a hriatthiam loh hmel khawpmai, a ding reng a, a hmel chu ngun takin ka lo en a, Mihring dam lai hmel reng ka hmu lo, mahse asang em a, chiangtakin ka hmu theilo, bakah ka thianpa ani miau a, thi tur chuan ka dah phal lo, Chutah harh chhuak thut niawm tak hian a rawn chhuk dawn ta, a rawn tawlh thla hrut hrut a, Chutih lai boruak awm dan chu ka sawifiah thiamlo,

          Thingkunga sava hram chiah chiah te chu an thlawk darh sung sung mai a, Thli a rawn thaw vuk vuk mai a, Ka u chuan rangtaka lo chhuk vat turin a ti a, ani pawh a hmanhmawh tih hai rual anilo, a kakpui atanga ft 12 emaw a aia sang vela a awmlai chuan ralhla tak atang hian thildum lian vaklo hi alo thawk vang vang a, kan lo en reng a, kan thianpa chuan a hmu ve lo nge a hmulo der pawh ka hrethiam lo. kan lu chung zawn vel arawn thlen chuan alian em em mai a, Chu veleh kan thianpa chu a te tuarha, a rawn tla chu kan hmu ta, enge tih tur ber hrelo chuan kan lo en ringawt mai ani, lei arawn thlen chuan tawng zui thei tawhlo in a hlawn nawk mai a, min rawn melh run mai leh nghal, a hmel chu a danglam vek a, ka u nen chuan kan in en a, ka u chu a mak hle mai tiin a phun sup a, kan va tlan phei ta a, Kan bia a, Min chhang tawhlo, Reilo teah chuan a thi anita mai si, kei chuan kan zawngtah lawh tawh sa chu hmun zawl rualrem laiah ka dah khawm vek a, ka u chuan min rawn ko a, ka chhuk thla chu zawn chho teh ang, zawngtah bulah khian ati a, kan zawn chho ta a, kan thu ren rawn a, hreh hmel zet hian tu emaw zawk zualko a kal angai, he ta lo awm nge zualko a kal i duh min han ti ta ale!!!, ka hreh lutuk, mahse chhan ngei angai, hrehtak chung chuan ruanglo awmpui chu ka thlang ta a,

          A hnu reilote ah chuan zualko chuan min kalsan ta, a reh tlawk tlawk mai a, ruang lo la tur nghah pah chuan mei zuk te kan siam a, ka thut vang vang hnu chuan ka bula ruang chu a che leh hrut thin hian ka hria a, chutia vawi eng emaw zat a awm hnu chuan hlauhna hian min rawn tham ta, tlan na tur ka hre silo. ka piaha khiang kung lian tak phenah chuan ka biru ta a, ruang chu ka enthla reng a, Minute nga vel ani tawh ang tih chuan a rawntho ta mai. ka en ngamlo, a hnu a ka va en leh chuan zawngtah bulah hian alo thu ve chiah bawk a, zawngtah chu a thlangta ale. . bawr khat ala a, heihi zualko pa ta tur tiin a sirah a dah a, ka rap lutuk ka en ngam tawhlo, a hnu chuan heihi khiang phena biru khup langa ta tur ati ta mai anih hu(h)!! Ka mangang tak zet tawh, ka han in en a, ka khup chu a lo lang thei ani ngei aniang chu, ka thu hmawr bawk nen. , Ka awmdan a rawn sawi chat chat thei si, Ka hlau lutuk chu ka te chhuak ang tih ka hlau si,

          A ma ta tur te a thlang vek a, hmun thumah a dah vek a, ka hriat tur ngei hian a lai ami hi keima ta tur anih hi a ti a, ka hre chiang kher mai, Chutia zawngtah athlan zawh hnu chuan tawng pangai aia ring hian, “e khai, khi ta khi min zawn tu turte an kal anih hi, ka mut a hun leh ta” tiin a mu leh mai aniang chu!!! ,ruang la turte lo thleng chuan min rawn au ta a, ka hlauh em avang chuan chhuak mai ta lo chuan kan enthla leh phawt a, ka fiah hnu chuan ka chhuak phei ta a, Zawngtah chu dah fin vek an tum a, mahse ka dang thei ta hrama, mitthi pa ta tur kha a hrangin kan keng a, chuan kan hawng ta a, kawngah Ka u chu ka pawtding a, a hnung berah kan kal dun ta a, kan boruak tawnte kanin hrilh ve ve a, ani pawn a tawnglo bik hauhlo, kan thawm ni silo chu kan hnungah hian a awm ve reng a, kan kal chak sauh sauh a,

          Khua kan lut tep tih hian kan thianpa thi ta ngei mai hian Ka hming ngei mai hian min rawn ko a, “minlo nghak ve teh” hi a rawn ti a, kan in en a, kan hma a kalte chu kan pel phei a, a hma lamah kan kal ta a, Kawngpui kanthleng tep tih hian tu emaw hi alo chhuk thla a, ( Hetih lai hian a thim tawh ani) kan chho zel a, kan hma a rawn chhuk chu kan han hmuh chian meuh chuan ka au chhuak thawt mai, tudang nilovin, tuna mitthi kan zawn lai ngei mai hi ani tlat anih chu, Min la nuih zui leh nghal a, ka tirilah min tham kher mai.

          Lumen ngai ania, hemi zan hian rinloh tak maiin engmah a thleng lo. a tukah chuan a thla sawi a tam ta hle mai, tu tu te emaw chu alo tlawh kual ani awm e, A zan Khawharin riak turin thalaite kan in fuih a, rin aiin kan tam phian mai, Kan mut atanga reiloteah chuan thawm a awm tan a, ka tawn hnem tawh nen ka hlau ve deuh tawh ni ngei tur ani, ka in lukhup a, ka in hawng ngam tawhlo, ka thlan hluam a, ka thiante chu an muhil vek tawh aniang. ka inhawng ngam silo. hemi zan hi chuan ka muhil lo chiang kher mai,

          A tuk khua alo var chuan inriak zawng zawng kan in ko khawm a, tumah in pu chhuaklo turin min ngen a, tumah in pu chhuak kan awmlo, hemi zan hian keimah chauhin ka hria emaw ka tih kha alo ni hauhlo, kan vaiin kan lo hre vek chu alo ni a, kan huphurh em em mai zan alo ni leh ta, ka bulah ka u (tawhsual kan tawh a, upa ber, ka u ka tih tak) kha amu ve a, kan mut hian alo la haw lo a, ka lo chhing ve sek aniang, ka harh hlawl maia, chuan ka u chuan minlo thut bet run mai a, (keini hi infiam nasa thin tak mai kan nia) minlo melh run maia, kei chuan tho teh, i rit lutuk ka ti a, uan na chi anih loh hi ka ti a, ani chu ring em em hian anui a, ka bula mite ka en a, tumah harh awm an awm mang bawk silo, “ I U (thianpa) ka ni tak tak amaw tiin a nui vak vak mai a, Ka mangang lutuk. . Chutah le. . “ Ruang la tura zualko a kal lai khan min bihruk san vel amaw, kawngah khan enga tinge min nghah duh miah loh“ tiin min han siam chhiat khum anih chu!!! Ka hlau lutuk chu engtin nge ka awm pawh ka hre ta lo, ka harh chhuah chuan minlo bial tuau mai a, chanchin min zawhin ka sawi ngam silo. Hemi atang hian a reh ti ila, a mah tak hmuh tur a awm ta lo ani. Thawm chu thla hnih vel thleng a awm a, a hnu ah a reh ta ani awm e.


          A tak anih ka rinna chu ( keimah) A thih atanga thlakhat leh a chanve velah huanah kan feh a, hetah hian lawm ka hmuh ve chu!!!!! Ka chhungte nen kan kal a, ka kal hmasa ber a, thlam kan thlen chuan ka lut ta a, thlam chhuata mutna ka siamah chuan alo mu a, minlo nuih vur vur mai anih chu!!!!! ka hlau lutuk chu ka rak tuarh mai a, ka chhungte an lo kal chuan alo bo hman deih ani. Tun thleng hian ka la hmu leh ta miahlo ani. . Ka la naupang bawk nen Zan tam tak ka mut theihloh phah hial ani..............
comments | | Read More...

Tulum By Isaac Zote

A hmasa in la hre lo te kan lo awm palh takin "Tulum" hi eng nge anih han sawifiah ve reng reng ila a tha in ka hria a..Tulum chu Mizo ten Ramhuai chi khat ni a hmanlai atang a kan rin, ramhnuai vel a awm thin, mi an thih chiah a an kawchhunga lut thin a an ngaih ani..

Tuna ka rawn sawi tur hi Pawl 7 kan zir lai a kan Sir min hrilh ani a, Home Missions School lut ve thin ka classmate te he mi group a in lo awm ve anih chuan in la hre mai thei ani..Sawi tawh angin kan Sir min hrilh anih avangin tak tak ani nge thawnthu tih chu ka hre chiang lem lova..Mahse kan Sir hian dawt phuahchawp mai mai erawh a sawi ka ring hran lo..Eng pawh lo ni se, tak tak emaw ni lo emaw, a ngaihnawmna, hlauhawmna leh a makna a tih nep phah ka ring hran lo .. Ama sawi angin chhunzawm ang...

             Khaw Pakhat (a khaw hming a sawi ka hre tawh lo) ah hian thian dun pahnih (a sawina a rei tawh deuh a, an hming poh ka hre chiang tawh lo) hi an awm a, ni khat chu ram riah dun an rel ta a...Ni leng a hna an thawh hnu chuan an hah viau mai a, khua a thim tawh bok nen a pakhat zok thlam ah chuan riah dun mai an rel ta a... Zana an han mu chu pakhat zok chuan "Ka zun a chhuak em mai..Kan va zung lok" ati a...A thianpa chuan ngaihthat lohna poh engmah nei lem lo chuan "Aw le" ti ve mai pahin a muhil ve leh mai bok a.

             Rei fe hnuah chuan a muhil zawk a chu a rawn harh chhuak hlawl mai a, a thianpa nichina zung tur a tho kha a la rawn let leh lo reng reng tih a hre ta a, mak a ti ta viau mai a.."Ngatinge maw a la rawn let leh lo le, Sapui te hi a tawk ta mai em mawni le?" tiin ngaihthat lohna deuh a nei ta a..A thianpa chu va zawn zai a rel ta a...

             Pawn a han chhuak chu thla a lo eng kher mai a, khaw chin chu zan mah ni se a lang chiang phian a... A thianpa chu khawnge a awm tiin a zawng phei zel a..hla vak lo a kal hnu chuan a thianpa chu ral leh lam hawi zawng (ama lam hnungchhawn zawngin) a lo thu hi a va hmu ta a, thla hi hawi sawn miah lo hian a lo en ngar ngar mai bok a..ral atang chuan "Thianpa, enge maw i tih reng le? i chau lutuk palh ang naktuk kan haw lehna tur te a hla tham si a, ron mu toh rawh.." a tih poh chuan engmah hre lo angin a awm a, a en pangai chu a la en reng tho a...

            Chutia engtin mah a a chhan tak lovah chuan a thianpa bulah chuan "Enge maw a tih reng reng le?" tiin a va kal hnai a..a va en chiang mai chu...A thianpa chuan Thla bial kulh mai en reng pah chuan a kut tin in a hmai vun a lo hik neuh neuh mai hi a lo nia...A hlau lutuk chu a zan a zan chuan an khaw lampangah a tlan haw ta nghal a, a tukah an khaw mi te an zu kal chu an thlam piah deuh a tlem a khuar lai deuh ah chuan thi in a lo mu zal reng hi a lo ni a..Kha tia zung tur a a chhuak kha a tlu sual palh a chawp leh chilh in a thi ta nghal mai a lo ni awm a, chuan a hnu a a thianpa zawkin a va hmuh poh kha a kawchhungah Tulum alo lut tawh ani awm e... A thianpa zawk a thil hmuh avanga hlau lutuk chu kar 1 chhung vel a khua a sik anti...

            Thian dun pahnih poh hi lo lam a Zawngtah lo turin an feh chhuak a, an lo hi a hla tham deuh avang leh an chhuah tlai avangin tlai lamah an thleng phei hman trok a...Pakhat zok chuan "Thianpa, thing ka thiam zok bok a, ti hian a hnuaiah lo chang la, ka ron theh thlak apiang kha lo rut khawm zel la, i lo thun khawm zel dawn nia" ati a..A thianpa zok chuan a remtih hnu ah chuan Zawngtah kung sang takah chuan a lawn ta zai zai mai a..

             Thing thiam tih takah thingkung han lawn vel poh chu a hnehsawh angreng viau a, reilo te chhung chuan a lo zo ti tih thuak chu ani mai a..A hnuai lama lo chang zok chuan "Thian-a, duh tawk tawh ang, hei kan thim lutuk dawn" a han ti a..Thingkung zok ami chuan "Ngawi teh, a uihawm ting tang, khi ta a hmawr deuh ami khi ka han lo leh hram ang e" ati a..Chutia a han lawn leh chu a zar a lo te deuh bok nen a dawl ta lova, a rap tliak ta hmawk mai a...A lawnna chu a san tham em avang chuan a ron tla thum dum mai a...A ring (nghong) ruh a tliak mai bakah a lu a sawh nat em avang chuan a lu atang te chuan thi a chhuak nasa a, a taksa poh chu thi in a bual khat hnuang mai bok a...Ka pawh chhawn lovin a thi ta nghal mai a...

            A thianpa tih ngaihna hre lo leh hrilh hai lutuk chu a chawmawlh hi ani deuh ber a...han buaipui tum eng ang mahse awmzia a nei tawh lo a..."Engpoh ni se, hetia awm reng ai chuan,ti hian sa velin an khawih loh nan hnah velin kan khuh tha deuh anga, a rang lamin zualko turin khaw lamah tlan haw mai teh ang" ti a ngaihtuah lai tak chuan, a thianpa chiang lutuk tak mai a thi tawh chu a rawn tho ta truam truam mai a...A thianpa la dam zok hlau lutuk chu chet poh che tha ngam tawh lovin a dinna ngaiah chuan a khur tlawk tlawk tawh a, a thi tih a hre chiang ropui si, ...

             Chutia engmah sawi lova a din reng lai chuan a thianpa thi in a bual khat vek tawh chuan thum bulh chiang tak si hian "Thianpa, tuna thing ler atanga ka tlak dan kha i lo hmu em? i hmuh loh chuan kan tla tha leh ang aw.." a ti a.. A tlan thut a, a tlakna thingah bok chuan a lawn chho leh ta truam truam mai a...A tlakna zar tak a han thlen chuan nichin lok a a tlak dan ang deuh chuan a ron tla tha leh ta a, a tlakna ngai bulah chuan a ron tla tha leh a...A thianpa zok chuan a hlau toh khop mai a...a aihkaih vek tawh a...Mahse....reilo te hnu chuan pangai te bok chuan a ron ding tho leh truam2 mai a,,"Thianpa, i lo hmu chiang em ka tlak dan kha? ka han lawn leh ang aw uluk takin lo en rh" a ti leh a,a thianpa zawk chuan "Aih, a trul tawh lo, ka hmu tawh alawm" atih pawh chuan thing lam bok chu a pan phei leh ta a...A pangai te bok chuan Zawngtah thingah chuan a lawn chho leh a...

             A thianpa chuan chutia a lawn chhoh lai tak chuan remchangah la in a tlan ta thut mai a, chawl lek lovin an khua thleng chu thaw hlop hlop chungin zanah a thleng ta ani..A tuk zinga an khaw tlangval ten an zawngtah lo na hmun an zuk thlen meuh chuan a thianpa in a tlakna atih ah chiah khan a lo mu reng ani awm e
comments | | Read More...

Mumanga Mithi tawh hmuh hi By Isaac Zote

Mumang lam mi thi tawh te hmuh hian harchhuah hnu hian nasa takin ngaihtuahna chu a ti sei ve duh ngawt mai...a bik takin chhungte hnai vai emaw kan khawngaih/hmangaih tak te annih phei chuan... Enge heng kan mang te hi awmzia ni ang aw tih te hi nasa takin ka ngaihtuah ve mai2 thin a..Kan ngaih em avang a kan mangphan sathliah mai2 nge ni ang a, chhan leh vang tha tak nei zok? A thren te phei hi chu hun rei tak chhung kan rilru ngaihtuahna ah poh hmun chang pha tawh lem lo te poh mak tak maiin mumang lamah an rawn inlar ve ngut leh thin bawk si a; thil hrilh duh engemaw tak anni thei ang em? Nge an mahni tak2 ni tawh lovin thlarau dang te hian an hmel rawn hawhin min rilru rawn tihnat emaw rawn tihbuai emaw thin zok? A chhan hriatchian chiah phei chu a har khop ang le..Thei chu a rah atangin a kung poh in hre thei ang Lal Isua'n a tih angin...Thil zawng zawng erawh Pathian atang emaw Ramhuai atang vek ani lem lo thei tlat..Pathianin mumang hmangin Josefa te Daniela te thil a hriat tir thei ang bokin Eng thuam a inthuamin thlarau sual te pon mumang atangin min chhaihbuai hi an thei tih chu a rinawm ve tlat ani..

           Mumang lampang kaihnawih thenkhat mak ka tih ve deuh2 te kan sawi ve mai2 ang e..Thlahrang/Ramhuai lam phei chu ani lem lo mai thei..Mahse a makna a nepin ka hre chuang lo...# Engineering ka zir ve lai chuan 1st year kan nih laiin roommate dang 2 ka nei thin a, Tribal kan tlem theih hle avangin Tribals awm chhun hi chu kan inngaina em em a, engkimah hian kan intran tawp thin hi a ni a, roommates poh kan ni deuh zel nghe2 a...Ka roommates (kan room hi 1st floor sir tawp ber ani a) te hi Senti Aren (Ao Naga ani a, a hming sawi ila poi lem lo awm e) leh Roop Kutum (Arunachali, Mishing hnam) te anni a...Aren a nen hian chuan a tir atang phat a inkawm ngeih nghal kan ni a, mi rilru tluang tak leh uikawm lo, hawihhawm tak ani bok a..Roop-a erawh hi chu a mak kan ti thei hle a, lekha hi a men chhung hi chuan a zir ani tawp mai a, a secluded em2 a, a tawng ngai mang lova...

          Zana a muthilh te hian a rum vak2 thin a, Christian ani ve lo bok nen thlarau lamah hian harsatna a nei thin em maw ni aw kan ti hial thin reng ani..Zan khat chu a mang a chhe hle ni tur ani a rawn au chhuak nasa mai a, a tho thut a, tukverh lampang a bih hu hu a...."Isaac!! Aren !! tho ru...tukverh ah sawn zawng nge mihring dum vek, 2nd floor lam a vak chho ka hmu ania" a rawn ti tuarh2 mai a...

           Ka muhil kha ka mu nghet vak lo nge ni a au rin vang zok ka ron zuang tho nghal titih a, Roop-a hmel ah chuan hlauhna hian a khat tih chu ka hrethiam nghal mai a "Engtin maw? Engmaw i hmuh?" ka ti a..tukverh lam a kawk nghal a...Hmanhmawh lutukin tukverh lamah chuan ka tlan chhuak nghal a ( zep lovah chuan ka hlau ve deuh tho mai, mahse thian te ber khatia chi-ai leh thlabar taka siamtu chu tiin a duh duh lo awm mai rh se ka ti ve tawh mai a)..

           inchung lam 4th floor thlengin ka en chho vek a, thla a en em avangin chiang takin kan building vel chu a lang thei vek a, Engmah ka hmu ve lo...A hnu chuan Aren pon chu a rawn chhuak ve a, engmah a hmu bik lova... Ti chuan room chhung lamah chuan kan inzui lut leh ta a...Roop-a chu thlan tui hian a lo bual khat vek tawh a..

           Eng chiah maw i hmuh? ti a kan zawh chuan ti hian a sawi ta a " Mang mak tak mai ka nei a, kan pathum hian games Karu-a room (Kan tribal senior,7th Semester ni tawh) ah kan lo khel a, chuan zung turin ka lo chhuak a, Karu a room opposite chiah room chu kawngka a lo in hawng vek a, tunge awm le tah hian ti in zun in lam pan ta lo chuan ka lut chhin a, ka lut chiah tih leh mi pakhat hian min pawh luh a inrual titih a, ka han en chiah chuan chu pa chu a dum vek hi ani a, a hmel poh ka hmu chiang thei lo, ka hrawkah hian min lo rek bet a, Auh che u ka tum a ka au chhuak tha thei si lo...a tawp a tawp ah ka theihpa tawpin ka trang vak a, ka rawn au chhuak thei chiah chu atakah poh ka rawn au chhuak nghal a..

            ka mutna atang chuan ka thu tung hlawl mai a, chutia kan thu chu tukverh ah (tukverh hmachhawn zong chiah a mu ani) chuan mi tunge maw dum vek vak chho zok ka hmu ta a, ka hlau lutuk a ka rawn au che u anih kha" ati ta a...A hlau lutuk chu a muhil tha ngam tawh lova..."Min men pui ve mai teh u khongaihin" ti a min ngen avang chuan zingkar lam a a muthilh ngam thleng chuan ka titi pui ta ringot mai ani....

           A tukah chuan Karu-a roomah kan phei nghal a, tunge i room opposite chiah ah hian awm a? kan ti a...chu room chu a lo ruak reng mai a...Hman ah hosteller 1 a lo inawhhlum tawh avangin Vai hovin an lo luah ngam lo hi a lo ni a...mak ve khop mai

           Sawi ta laklawh sawi zel ang aw sei deuh don mahse...Voikhat chu Aren-a chuan "Isaac, mumang lamah hian kan chhungte thi tawh kan hmuh chang te hian min lo tlawh anih i ring em? " tiin min zawt phawng mai a... Kei chuan "Ka hre nang, a theih tho mahna kan hriat bak ania " ka ti ve mai bok a...

           Aren-a thung chuan "Ring duh suh thianpa, keini hnam chuan kan ring lo...kan chhungte tak2 anni tawh lo, an hmel hawh a rawn inlar ramhuai anni tawh thin zawk" ati a.."Ngatinge chutiang kher rinna chu i neih a?" ti a ka zawh chuan ti hian min chhang ta a...." Voikhat chu ka nau hmeichhia hian mang a nei a, a mangah chuan ka Pi thi tawh hian a rawn tlawh a, nuam ti takin an lo infiamin an lo titi vel thin a, engemaw chen hnu ah chuan a haw san a, ti chuan a harh chhuak ta a...

          a tir ah chuan engah vak mah a ngai lo a, mang satliah ah a ngai a, engmah poh a sawichhuak lem lo a..Mahse mak tak mai chu a tuk zan ah chuan a pangai ang chiah chuan ka Pi chu a rawn kal leh a,an lo inkawm leh a..chuti chuan zan tin mai chu kar 1 chhung vel chu mang pangai (Recurring Dream) chu a hmu ta char2 mai a...a hlauh deuh tak avang chuan ka nu a hrilh ta a..ka nu chuan "Ehe!! Chu zawng i Pi ani lo tawp mai, thil dang anih chu...

          a rawn kal leh anih vaih chuan i lo hau ngei2 tawh dawn nia" ati ta a...ka nau chuan "Ka mang ania, engtinne hauh leh hauh loh tur ka hriat theih ang?" a tih chuan ka nu chuan " I mang mah ni se, i hre mai ang..i mut dawn in ka thil hrilh che kha hre reng la" ati ta a...Chu mi zan chuan a hma ang ngei chuan a Pi bok chu a rawn kal leh a..

          an inkawm vel hnu chuan ti hian a Pi chuan ati ta a "hei bawih-i, ka ngai thin lutuk che a mahse zantin hi nangmah hmu tur che in ka rawn kal reng thei dawn lo a....Chu vang chuan ka hnenah rawn kal zawk mai ta che...nang chu i fel sia pathian thu te i awih tha a, Vanramah i kal awm sia i thih hunah...kei lah hremhmunah ka awm tawh sia..kan inkawm thei tawh dawn lova..Chuvang chuan i duh anih chuan ka hnenah ka hruai thei ang che..lo kal ve mai la" tiin a sawm ta a...

          Ka nau chuan " Ngawi teh, engpoh ni se, kan inhmuh khat tawh dawn avangin in chibai phot teh ang ati ta a, a mangah chuan chu tia an in chibai tur chiah chu ka nau chuan ka pi chu a kutah a sik ta vak mai a" Ka Pi chuan "Nang nu te reuh hi..i va sual reuh e, min ngai ve emaw ka tia, ka ron kal tawh ngai miah lovang zanin bak ati ta a...chu mi hnu chuan a mang chhunzawm leh ta miah lo ani awm e

          Aren-a bokin min hrilh ani a, Class 12 Kohima a a zir laiin mang a neih ani a...Ama sawi angin han chhunzawm ila...Zan khat chu ka mut a chhuah hma deuh avangin ka mu hma a, ka mut hma in kawngkhar leh tukverh zawng zawng chu ka kalh tha vek a.. ka roommate erawh chu TV Hall ah inkhel a en thung a...Chu tia ka mu chu mumang nge mang lo tih poh thliarhran theih loh ang deuh reuh hi ka nei ta a...Ka mangah chuan tuna ka mut dan ang chiah2 chuan ka lo mu a, mahse ka che thei reng2 lo mai a..ka awmah hian enge maw rit deuh hian min delh bet hian ka hria a..A tir ah chuan min delh tu chu ka hmu chiang thei lok lova, a hnu deuh a ka hmuh fiah theih deuh a kan en chian nak chuan ka Roommate, ka thianpa ngei mai kha ka awm ah hian a lo thu vung mai a, ngun em em mai hian min lo en kur mai bok a

          "Thiana, tho teh..infiam hun pawh anih tawh loh hi..i rit teh ania tho vat rh" ti a ka hauh chuan ti hian min chhang ta a "I ROOMMATE KA NI TIH I CHIANG CHIAH MAW?" ati a a nui ta uarh uarh mai a...Ka hlau lutuk chu tih ngaihna ka hre lova, ka thlan a tla zoih2 a...A tak tak a an zia chu Bang a sana te poh ka hmu vek thei a (Light ka off thim lova)..

            Zan dar 12 chiah chiah ani a...Chutia min thrut beh tak reng ah chuan ka rilru in ka tawngtai ta ringot mai a " Lal Isua, min tranpui rh" ka ti ta ringot mai a...Mak em em chu ka rilru a ka ngaihtuah kha a hre tlat mai a, "Koh koh duh suh a tranpui chuang lovang che" min ti a...Chutia a tih veleh chuan theih patawpin ka au chhuak ta a...Lal Isuuuuu.....!!! ka ti vak a, chutia ka auh veleh chuan tukverh atang chuan rang lutuk in a thlawk chhuak ta daih a..

           chu velah a takah poh ka harh chhuak ta nghal a...Thlan in min lo bual hluam a, Ka roommate chu inkhel TV roomah a lo la en a..Ka mang mai2 chu a, ka ti a..mut leh mai ka rilruk a..mahse thil pakhat mak ve em2 mai chu ka kawngkhar leh ka tukverh zawng zawng lo inhawng vek (a hma in ka kalh vek sia) leh Sana in zan dar 12 chiah chiah a lo ri ve tlat kha ani...
comments | | Read More...

Thlahrang leh Khawhri chungchanga ka ngaihdan By Isaac ZoTe

Thlahrang leh Ramhuaite hi keini Mizo mai poh ni lo khawvel hnam tin deuh thaw leh sakhaw tin te hian an chanchin hi sawi tur kan neih theuh avangin dawt muhlum tawp chu ani hauh lovang tih hi ka mimal rin dan a lo ni ve a..Amaherawhchu heng thil pahnih te hi an awm ve ve em? emaw an pahnih hian enge an danglamna? tih erawh hi chu sawi thiam leh sawi fiah har tak zawng ani ngei mai..

Ramhuaite hi chu Bible ah te poh kan hmuh angin Setana leh a tirkohte an ni a..Kristian ka ni kan ti anih ngat phei chuan an awm hi kan rin ngei ngei tur ani tlat ani..A chhan chu Thuthlung thar ah poh Lal Isua in ramhuai mihring kawchhung ata a hnawhchhuah chanchin te kan hmu a..Ramhuai awm kan rin loh chuan kha chanchin kha dawt ang ah kan pawm tihna a lo ni dawn tihna ani..

Amaherawhchu Thlahrang tih tak zawk hi ani an awm chiah leh chiah loh sawi har em em mai chu..Mizo zingah chauh lo poh khovel hmun hrang hrangah mihring thi tawh hnu hmel leh pianhmang ang a inlar thin chanchin hi a tam em avangin an thil hmuh leh hriat te hi enge maw chin hi chu tak tak anih ka ring a..

Amaherawhchu mihring thi tawh hnu thlarau ngei annih hi chu ka mimal ngaih dan chuan ka ring lo ve tlat mai..A chhan chu Mizo zingah ngei poh thlahrang thawnthu kan sawi atang te poh hian Ramhuai leh thlahrang kan tih te hi an zia rang a in ang em2 mai a..Thla-ai,Hmai plain,Sarthih vang a hrang etc etc he mi group ngei a kan sawi thenkhat te poh hi Ramhuaite chet dan zia rang a ang ka ti lo thei lo kei chuan..

Ramhuai ho hian mihring thi tawh hnu hmel leh pianhmang ang te ron copy in kan zingah an rawn inlar thin ni berin ka hria .Thlahrang in a sawi sa,a chhiat khum,thisen in a theh,a ril a phawrh khum,etc tih ang chi te hi inrikrapna leh intihthraih tumna liau liau angah kei chuan ka ngai a..Heng te hi Ramhuai ho chet duh dan ani tlat ani..

Intihthraih ang zawng a che lem lo te poh hian an rawn inlar leh avanga an chhungkhat laina an thenrual te nun a effect ron neih a,hahdam tak a an thlah liam an phal lo ni te in ka hre thin..Mihring chu a damlaiin eng ang pohin zu heh in emaw Damdawi te khoih nasa mah sela a nupui fanau,a chhung leh kua,a thren rual te rawn nghaisa a rawn tih thraih ang chi hi chuan an chet duh ka ring hran lo..

An mahni hming ngei poh a chhiat tlat thin avangin..Hetiang a ramhuaite mihring hmel hawh a rawn inlar thin hi keini hian thlahrang kan lo ti mai thin niin ka ngai kei chuan..Chu chu Christian hruaitu tam tak Demonology lampang a nasa tak a research leh study lo nei toh te pohin a an ngaihdan tlangpui chu ani..

Demonology lampang a sulhnu lo nei toh tam tak te sawi dan a inang thenkhat chu mi piangthar lo an thin hian an hmel leh an pianhmang te chu hawhin an damlai a an chenna velah midangte tibuai turin ramhuai ho an che thin tih hi ani a..Piangthar te erawh chu an hawh sak ve theih loh thu an sawi tlang pui thin..

Tualthahna hmun te,inawhhlumna hmun te,sar thihna hmun,etc te hi Ramhuai ho hian remchangah la in mihringte rik rap nan hian an hmang thin niin a lang..Engpoh ni se, ka ngaihdan hi a dik ber e ka ti hran lo va..kan thil hriat phak loh leh kan hriat phak bak anih miau si avangin a dik ber han tih theih erawh chu a awm lem lo..Midangte poh hian kan ngaihdan te han sawi ve ilangin a tha awm e
comments | | Read More...

Shillong ka awmm ve lai - I By Isaac ZoTe

Pawl 11 leh 12 kha Shillong St. Anthonys ah khuan ka zir ve
a..Ka chhungten inluah an phal loh avangin Private hostelah ka awm a..Jiinkieng,Nongthymai a awm ani nghe2 a he hostel hi...Sak thar hlim hlol anih avangin a awm hmasa ber batch kan ni a..Shillong chu chhe lo fe fe hi an tam ve bok a lenchhuah hi kan hrat ve thei khop a...Hetia lenchhuah vel chang hian In tha pui pui, luah tu awm lo a Tala a an kalh bur mai hi ka hmu fo mai a..hmun pakhatah chiah poh nilovin veng dang2 ah chutiang in chu an awm nual a..Kei phei chuan enge omzia poh ka hre lem lo..

Chuta kan awm hnu fe toh ah chuan Haflong lampang mi 1 hi a ron awm ve a..keini aia U daih ani a..Pawl 11 kan zir lai poh a MA zir th kha ani a..in luah char2 thin a chhungten hostel a awm tur a an tih avanga ron lut ani a..Shillongah poh rei fe lo awm th ani a...Chuvang chuan voikhat chu a lo awm rei toh bok a tiin In tala a inkalh bur mai chanchin chu ka zawt ta chawt mai a..a lo hriat mial takin ka ti rilru mai2 a..

I la hre nange? ka hrilh don che ania zaninah in roomah ka ron mu phei ang a,ka hrilh ang che min ti ta a..Chuta min hrilh chu ani ka sawi tum tak chu..Ama hmuh leh tawn ani bik lova, dawt nge thudik anih poh ka hre hek lo..mahse a sawitu pa hian chuan tak tak anih ngei a rin thu erawh chu min hrilh a..He group ah poh hian he thil hi lo hre toh in awm ani emaw chiang zok a hria emaw in awm chuan min hrilh turin ka duh bok che u ani...

Khai le..i sawi tran ang..Ka thianpa min hrilh dan ang chuan soi mai ilangin..Kan hriat angin Shillong ah khuan Northeast ram dang2 atanga zirlai kal khom an tam khop mai a..Chung te zing ah chuan Naga tv 1 poh hi a tel ve a..Nagaland atanga ron chhuk hlim hlol ani a..In luah tur a dap ruai a..A hnu deuh lokah chuan Concrete building var, in lianpui 1 hi a hmu a mahse Tala in an kalh tlat bok si a..mak a ti angreng hle a...a in bul vel ami te chu khonge a neitute an awm tih te a va zot a..A neitute chu veng danga awm anni a..

Khatia in tha pui si..tala a kalh ringot mai chu..reilote tal poh min luahtir an phal lo amaw ni tih te a ngaihtuah a..An awmna veng a zu kal a a in neitute zu biak a, student te a ni bok a, an lo hriatthiam a tlawm deuh hlek a luah an phalsak chuan luah a duh rilru hle a..A hnu chuan an inah chuan a zu lenglut ta chawt a..A neitute chuan an in chanchin chu an lo sawi tha vak duh lem lo a.."I luah peih tak2 lovang..in luah tur dang zong mai roh" te an lo tih lia m sak mai2 a...

mahse luahtu nei lova awm reng tho anih thu leh student te an tranpui theihna kawng pakhat anih zia thu te sawiin engtin tin emaw a ngen thlu thei ta hram a..Engzahnge luah man ni ang? ti a a han zawh chuan i luah duh anih phot chuan tlemte in i luah don nia an lo ti ta mai a..mak ti rilru deuh si lawm rilru bok si chuan a thlenna in (a thiante inah) a haw ta a..

Chutia in luah tur a hmuh chu a thiante hnenah chuan a hrilh ta a..Mahse chu mi In chungchang chu a thiante chuan an lo hriat thawi avangin luah lo turin an duh a..Luah lo mai roh khi in khi chu a tha lo aniang te an tih sak a..Mahse he pa hi inla Pa ve chi tak ani bok nen..an thil sawi te poh chu a hnial thla fai ta vek mai a..tichuan a tukah chuan riak tran turin a in pu lut ta ani..

Zanah chuan lehkha te a chhiar a..dar 12 a ri trep toh tih ah chuan mut zai a rel ta a..an mu fel vel chiah tih ah chuan a kawngkhar hi tu emaw ni in ron kik ni awm tak hian a ron ri bur bur mai a..Khasi tv zurui buaina zawng vel an ni ang e tiin a va hawng duh lem lo va..a roomah chuan tho chhuak lo chuan a mu ta reng zok a..a hnu rei lote ah chuan kawngkhar kik ri poh chu a reh ve ta a..

chutia a reh tak avang chuan muthilh a tum zui ta a..chutia muthilh an tum tran chiah tih ah chuan Kawngkhar atang chuan in chhung lam zawng a ke pen ri ron ri phei thlerh thlerh ri hi a hre ta mai a..Chutah zet chuan a awm a nuam ta lo ngei mai..Kawngkhar kha a kalh chiang bok si a..tuma ron loh theiha chi ani lo..A hlauh deuh avang chuan a blanket in a in lukhuh ta a..chu kepen chu a room kawngkhar bulah chuan a ding ta chat mai a...a tawp leh vang2 a..muthilh theih zia zang ani tawh lo..blanket hnuaiah chuan a meng kar toh mai a..

mahse chu kepen ri poh chu room kawngkhar a thlen chiah chuan a tawp ve ta nghal a..a nghak reng a mahse ri dang a awm zui toh loh avangin muthilh an tum leh chiah tih ah chuan (Blanket khan a la inlukhuh reng a) kepen ri chu a room chhungah chuan a ron lut leh ta thlarh2 mai a...A hlau ta ngei mai...A intipachang thei toh hlol lo...hlauhna thlarau in a tiril a man a...Ke pen ri chu a khum bul chiah2 ah chuan a tawp a...A en ngam toh bok si lo...a lum toh bok si...

a thlan te chuan a bual khat vek ta mai a...a reh ta vang2 bok si a..chutia minute 10 vel che chang ngam lova a awm hnu chuan engmah ri a awm toh bok si loh avang chuan zawi zawi in a blanket chu a hawng ta a..........chutah le.....chutia zawi zawi a a blanket an hawn chuan a hmai bul hnai set sawt ah inches 2,3 vel chauh a hla (a hmai ron si thuak in) tih ang velah chuan KHASI PITAR HA BAL LUTUK KUHVA EI SEN HUAM hian a thren khum ta reng mai anih chu.......

A hlau lutuk chu a khum atang chuan a per chhuak ta thut mai a..hnunglam poh en ngam toh lovin pawnah a tlan chhuak nghal a...A zan a zanin kawr poh ha mumal lo chuan a thiante veng dang a awm te in thleng rakin ke in a tlan thleng zak ani awm e..a thiante in a thlen poh chuan sawi poh a sawi tha ngam mang lova..a tuk zing khua a ron var chuan khur zoih2 chungin a sawi ngam chauh ani..
comments | | Read More...
 
Design Template by Ell Cee Renthlei | Support by creating website | Powered by Blogger